Kimyo boʻyicha Nobel mukofoti sovrindori Toshkentga keldi
Dunyoga mashxur “Texnion” Isroil texnologiya instituti professori, kimyo boʻyicha Nobel mukofoti laureati Dan Shextman yurtimizga tashrif buyurdi. Olim “kvazikristal”larni kashf etib, 2011-yilda kimyo boʻyicha Nobel mukofotiga sazovor boʻlgan. Isroil Fanlar akademiyasi, AQSH milliy texnik akademiyasi hamda Yevropa fanlar akademiyasi aʼzosi, professor D.Shextman bilan bugun poytaxtimizdagi oliy oʻquv yurtida talabalar bilan uchrashuv boʻlib oʻtdi.
Toshkent irrigatsiya va qishloq xoʻjaligini mexanizatsiyalash muhandislari institutida oʻtkazilgan davra suhbatida Isroilning Oʻzbekistondagi favqulodda va muxtor elchisi Eddi Shapiro, Oʻzbekiston Respublikasi Innovatsion rivojlantirish vazirining oʻrinbosari Azimjon Nazarov, Oʻzbekiston Respublikasi oliy va oʻrta maxsus taʼlim vazirining oʻrinbosari U. Begimqulov, professor oʻqituvchilar, talabalar va OAV xodimlari ishtirok etdi hamda yurtimizdagi ilm-fanga boʻlgan eʼtibor xususida soʻz yuritdi.
Maʼlumot oʻrnida taʼkidlash joizki, bugungi kunda institutda 464 nafar professor-oʻqituvchilar faoliyat olib bormoqda. Shuningdek, institutda Shvetsiya Qirollik universiteti bilan hamkorlikda “Geoinformatika” markazi, AQSHning John Deer va Rossiyaning Rosselmash kompaniyalarining maxsus markaz va sinflari tashkil etilgani xalqaro hamkorlik koʻlami kengligidan dalolat beradi. Bir soʻz bilan aytganda, institutning ilmiy salohiyati 52 % ni tashkil etadi. Tadbir mobaynida olimga shu kabi muvaffaqiyatlar yaqindan tanishtirildi, talabalar qizgʻin davra suhbati oʻtkazildi.
Ayni damda olim Buxoro ziyoratida.
Yulduz OʻRMONOVA, “Xalq soʻzi”.
Tavsiya etamiz
Ko‘p o‘qilganlar
- “Loʻlilar faqat tilanchimi?...” Ular yashayotgan mahalladan fotoreportaj
- Hokimlik Toshkentni “yuva boshladi“. Xoʻsh, suv sepish havo ifloslanishini kamaytiradimi?
- Yangilanayotgan Markaziy Osiyo: birlik, doʻstlik va hamkorlikning yangi bosqichi
- Nogironligi boʻlgan fuqarolarga 30 mln soʻmgacha foizsiz ssuda ajratiladi
- “Adabiyot va hayot”: Sultonboy Dehqonovning shaxsiy fotokoʻrgazmasi ochildi (+fotoreportaj)
- Kambagʻallikni qisqartirish: pul emas, aql-idrok va bilim muhim
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring