Xorijlik ekspertlar Samarqandning madaniy merosni asrash borasidagi oʻrni yuqori ekanligini taʼkidlashdi

Foto: Turizm va madaniy meros vazirligi matbuot xizmati
Samarqandda Turizm va madaniy meros vazirligi hamkorligida “Oʻzbekiston madaniy merosi – yangi Renessans poydevori” VI Xalqaro Kongressi boʻlib oʻtdi.
Kongressda Oʻzbekiston Respublikasi Bosh vazirining oʻrinbosari – Turizm va madaniy meros vaziri Aziz Abduhakimov nutq soʻzladi.
«Ushbu Kongress Prezident Shavkat Mirziyoyev tomonidan yangi Oʻzbekistonda sanʼat va madaniy meros sohasida amalga oshirilgan ulkan islohotlar natijasidir. Nisbatan qisqa vaqt ichida sezilarli yutuqlarga erishilganini qayd etish joiz. Madaniy merosni asrab-avaylash va ommalashtirish mamlakatimizning strategik ustuvor yoʻnalishlaridan biri boʻlib, natijada 2022-yil fevral oyida Turizm va madaniy meros vazirligi tashkil etildi.
2022-yil 6-iyulda esa Oʻzbekiston YUNESKOning nomoddiy madaniy merosni muhofaza qilish boʻyicha hukumatlararo qoʻmitasiga aʼzo boʻldi.
Muzeylarning maqomi va ahamiyatini oshirish, arxeologik tadqiqotlar, ilmiy bilim va salohiyatni yuksaltirishga qaratilgan kompleks dasturlarni joriy etish orqali madaniy meros hukumat kun tartibining eng ustuvor yoʻnalishlaridan biriga aylandi.
Pandemiyadan keyingi dunyo kontekstida jahon jamiyatining Oʻzbekiston va uning butun dunyo boʻylab hamkorlarining madaniy merosini oʻrganish, asrab-avaylash va ommalashtirish borasidagi saʼy-harakatlari yuksak qadrlanayotganini alohida taʼkidlash lozim.
Turizm va madaniy meros vazirligining bevosita YUNESKO bilan hamkorligi ham muhim ahamiyat kasb etmoqda. Fursatdan foydalanib, YUNESKOga alohida minnatdorlik bildiramiz», – dedi Aziz Abduhakimov.
Shuningdek, YUNESKOning Oʻzbekistondagi vakolatxonasi rahbari Sara Noshadi ham xalqaro kongress ishtirokchilariga murojaat qildi.
U oʻz nutqida madaniy merosni oʻrganish, asrab-avaylash va ommalashtirish borasidagi saʼy-harakatlarni yuqori baholadi. Eng muhimi, Samarqandning madaniy merosni asrashga qoʻshgan hissasi yuqori ekanligini taʼkidladi.
“Bu maskan eng katta moddiy va maʼnaviy boyliklarni oʻzida jamlagan. Bu yerda barcha millat, madaniyat va din vakillari istiqomat qiladi. Shu bois Samarqand barchamiz uchun beqiyos insoniy qadriyatlari uchun YUNESKOning Jahon merosi roʻyxatiga kiritilgan. Bu, oʻz navbatida, bugungi kunda bizni birlashtirgan ushbu Kongress kabi tadbirlarni qoʻllab-quvvatlashni ragʻbatlantiradi”, – deya aytib oʻtdi Noshadi.
Kongressda soʻzga chiqqan xorijlik ekspertlar ham Samarqandning madaniy meros borasidagi ahamiyatini alohida qayd etishdi.
Tavsiya etamiz
Ko‘p o‘qilganlar
- Gidroenergetikadagi loyihalar ijrosi koʻrib chiqildi
- Muborak Ramazon oyini munosib tarzda oʻtkazish toʻgʻrisida
- AQSH Ukraina uchun tinchlik rejasining asosiy elementini maʼlum qildi
- Poytaxt ehtiyojini taʼminlash uchun quvvati 2 ming 400 megavattli 4 ta yirik quyosh stansiyalari barpo etiladi
- Shvetsiya parlamenti Ukrainaga 600 million dollarlik harbiy yordam ajratishni maʼqulladi
- Donald Trampning hibsga olinish xavfi maʼlum boʻldi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring