Xorazmdagi Kat qalʼasidan antik davrga oid buyumlar topildi.

18:23 23 Iyun 2021 Madaniyat
988 0

Xorazm Maʼmun akademiyasining ijtimoiy-gumanitar fanlar boʻlimi arxeologlari Xorazm viloyatining Shovot tumanida joylashgan Kat qalʼa arxeologik yodgorligida qazuv ishlari olib bormoqda. 

Ayni paytda yodgorliklarning gʻarbiy qismida amalga oshirilayotgan izlanishlar natijasida ilk antik davr (eramizdan avvalgi IV-III asrlar) va soʻnggi antik davrlar (eramizning II-IV asrlar) iga oid meʼmoriy inshoot qoldiqlari oʻrganilmoqda.

Tadqiqotlar davomida juda koʻp ilk va soʻnggi antik davrga oid sopol buyumlar, marmardan ishlangan idishcha qoldiqlari va shahar hayotining keyingi bosqichlariga doir sopol boʻlaklari hamda mis uzuk ham aniqlandi.

Quyi qatlamlardan arxaik davrga xos idishlar boʻlaklari ham topilgan boʻlib, ular orqali shaharning barpo etilishi bilan bogʻliq yangi maʼlumotlarni bilib olish mumkin.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?