Illyustrativ foto

AQSH tariflari va savdo siyosatining oʻzgarishi Ottava endi Vashingtonga ishonchli savdo hamkori sifatida ishona olmasligini anglatadi. Bu fikrlarni Kanada Bosh vaziri Mark Karnining aytib oʻtdi.

Ayni paytda hukumat poʻlat va kanola ishlab chiqaruvchilari uchun yordam paketini tayyorlayotganini taʼkidlagan Karni global savdoda sodir boʻlayotgan narsalarni “oʻtish emas, balki sinish” deb atadi. Uning soʻzlariga koʻra, AQSH tariflari 1930-yillardagi Buyuk depressiyadan beri eng yuqori darajada boʻlib, aksariyat mamlakatlar va deyarli barcha toifadagi mahsulotlarga tegishli.

“Endi dunyoning eng yirik iqtisodiyotiga kirish uchun mamlakatlar uni tom maʼnoda sotib olishlari kerak — investitsiyalar va savdo siyosatidagi bir tomonlama oʻzgarishlar. Bu global qoʻzgʻalishlar, geosiyosiy oʻzgarishlar, texnologik inqilob va “yashil” iqtisodiyotga oʻtish zarurati fonida sodir boʻlmoqda”, — dedi bosh vazir.

Uning taʼkidlashicha, bu qadamlarning oqibatlari allaqachon sezilmoqda: ishchilar oʻz ish joylarini yoʻqotmoqda, oʻnlab yillar davomida shakllangan taʼminot zanjirlari buzilmoqda, kompaniyalar xom ashyo manbalarini oʻzgartirishga majbur boʻlmoqda, noaniqlik esa sarmoyalarni toʻxtatib, iqtisodiy oʻsishni sekinlashtirmoqda.

“Biz buni allaqachon koʻrmoqdamiz — bugun ertalab Kanadaning bandlik hisobotida turli mintaqalar va sektorlarda ishsizlik ortib borayotganini koʻrsatdi”, — deydi Karni.

Shu bilan birga, bosh vazir rasmiy ravishda Kanada Qoʻshma Shtatlar bilan boshqa hamkorlarga qaraganda yaxshiroq savdo shartlariga ega ekanligini eslatib oʻtdi.

“Bugungi kunda AQSH bilan savdomizning 85 foizi bojsiz, biz esa dunyodagi eng past tarif darajasiga egamiz. Ammo... haqiqat oʻzgardi: biz yangi sharoitda Kanada endi AQSHga avvalgidek tayanishi mumkin emasligini aniq bilamiz”, — deya qoʻshimcha qildi Kanada hukumati rahbari.