Irjar — Doʻstlik — Jizzax yoʻnalishida poyezd qatnovi yoʻlga qoʻyiladi

11:21 23 May 2024 Jamiyat
205 0

Foto: “Xalq soʻzi”

Said Donishev/“Xalq soʻzi”. Davlatimiz rahbarining shu yil aprel oyida Jizzax viloyatiga tashrifi chogʻida oʻtkazilgan yigʻilishda Sharof Rashidov, Paxtakor, Doʻstlik va Mirzachoʻl tumanlarini Jizzax shahri bilan bogʻlovchi “Irjar—Doʻstlik—Jizzax” yoʻnalishida teplovoz qatnovi yoʻlga qoʻyilishi aytilgan edi.

Shu munosabat bilan “Irjar—Doʻstlik” stansiyalarining 7 kilometrida taʼmirlash ishlari olib borilishi rejalashtirilgan.

Ayni paytda “Oʻzbekiston temir yoʻllari” AJ tomonidan stansiyalar oraligʻidagi temir yoʻl izlarida tubdan taʼmirlash ishlari boshlab yuborildi.

Shu kunga qadar ikki kilometr masofadagi temir yoʻl izlari qayta yotqizildi.

Maqsad qurilish-taʼmirlash ishlari yakuniga yetib, sentyabr oyidan boshlab teplovoz qatnovining yoʻlga qoʻyilishi natijasida tumanlardagi 450 ming nafardan ziyod aholini viloyat markaziga qatnashida sezilarli yengillik yaratishdir.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер