Hokim yosh sportchilarga velosiped hamda federatsiyaga “Damas” avtomashinasi sovgʻa qildi

11:18 12 Iyun 2022 Sport
317 0

Foto: Sportni rivojlantirish vazirligi matbuot xizmati

Guliston shahridagi “Bilimdonlar maskani”da tantanali tadbir boʻlib oʻtdi. Unda Sirdaryo viloyati hokimi Gʻofurjon Mirzayev, Oʻzbekiston velosiped sporti federatsiyasining viloyat boʻlimi mutasaddilari va yosh velosipedchilar ishtirok etdi.

Viloyat hokimi sportchilar bilan samimiy suhbatlashish barobarida oʻz fikr va tavsiyalarini ham berib oʻtdi. Ularning orzu-umidlari, maqsadlari bilan qiziqdi.

Maʼlumki, Prezidentimiz tashabbusi bilan velosportni yanada rivojlantirish, ayniqsa, yoshlarni ushbu sport turiga keng jalb etish hamda shu orqali mamlakatimizda sogʻlom turmush tarzini targʻib qilishga alohida eʼtibor qaratilmoqda.

Tadbir doirasida hokim viloyat sportchilarining Olimpiya va Paralimpiya, Osiyo va ParaOsiyo oʻyinlari, Jahon chempionatlari va boshqa yirik xalqaro musobaqalarda munosib ishtirok etib, yuqori natijalarga erishishiga koʻmaklashish maqsadida 14 dona yangi, zamonaviy velosiped sovgʻa qildi.

Shuningdek, Oʻzbekiston velosiped sporti federatsiyasining Sirdaryo viloyati boʻlimi faoliyatini yanada rivojlantirish, moddiy-texnik bazasini mustahkamlash maqsadida “Damas” avtomobili ham tantanali ravishda topshirildi.

— Viloyatimizda sport, shu jumladan, velosportning ommalashishi va rivojlanishi uchun barcha imkoniyatlar yaratib berilyapti. Bunday eʼtibor sportchilarimizga yanada kuch beradi. Bildirilayotgan ishonchni amaldagi natijalarimiz bilan oqlashga soʻz beramiz, — deya oʻz taassurotlari bilan oʻrtoqlashdi federatsiyaning viloyat boʻlimi boshligʻi Kamoliddin Hikmatov.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер