Hindistonda xavfli virus tarqalmoqda
Foto: AP
Hindiston gʻarbidagi Gujarat shtatida 50 kishi xavfli Chandipura virusini yuqtirib olgan.
Shtat sogʻliqni saqlash vaziri Rushikesh Patelning aytishicha, u bilan zararlangan 16 kishi hayotdan koʻz yumgan. Boshqa shtatlarda ham uchta holat qayd etilgan.
Patelning qoʻshimcha qilishicha, virus haqidagi maʼlumotlar Gujaratdagi barcha qishloqlar va sogʻliqni saqlash markazlariga yetkazilgan.
Chandipur virusi hasharotlar chaqishi orqali yuqadi. U Hindistonning Maxarashtra shtatidagi qishloq sharafiga nomlangan. Kasallik birinchi marta shu yerda, 1965-yilda ensefalit avj olgan paytda aniqlangan. Uning alomatlari orasida isitma, bosh ogʻrigʻi, tutqanoq va ongni yoʻqotish kiradi. Bular oʻlimga olib kelishi mumkin. Ushbu virusga qarshi vaksina yoki aniq davolash usuli hozirgacha kashf etilmagan.
Shu yilning iyul oyi boshida Ispaniya va Italiyadagi kurortlarda dam olayotgan sayyohlar xavfli virus – Gʻarbiy Nil isitmasi tarqalishi haqida ogohlantirilgan edi. Ushbu Yevropa davlatlarida kasallanganlar aniqlangan.
Tavsiya etamiz
Ko‘p o‘qilganlar
- Nodavlat sud-eksperti sifatida faoliyat yuritish yanada soddalashtiriladi
- “Istanbul Bashakshehir” mehmondan gʻalaba bilan qaytdi
- “E-ekspertiza” platformasi orqali elektron hujjatlar almashinuvini yoʻlga qoʻyish tartibi tasdiqlandi
- Ukrainaning uch viloyatida portlashlar qayd etildi. Qurbonlar bor
- Bu yil Oʻzbekiston Proligasida 14 ta jamoa ishtirok etadi
- Masharipov va Ashurmatov toʻp surayotgan jamoa bosh murabbiyi isteʼfoga chiqarildi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring