Hasanboy Doʻsmatov “Rio-2016” va “Parij-2024” oltin medali sohibi!
![](https://xs.uz/upload/post/2024/08/09/e865d9207963eaaae82584bdf75e4d030809.jpg)
Fransiya poytaxtida oʻtkazilayotgan yozgi Olimpiada oʻyinlarida oʻzbek sportchilari oʻz yurishlarini davom ettirmoqda.
-51 kg vazn toifasida qatnashayotgan bokschimiz Hasanboy Doʻsmatov Parij Olimpiadasi finaliga mezbonlar vakili, ushbu turnirga birinchi raqamda saralangan Bilal Bennamani magʻlub etdi.
Qiziqarli kechgan bahsning birinchi raundida hamyurtimiz 3:2, ikkinchi raundda 4:1 va uchinchi raundida 4:1 koʻrinishida ustun keldi. Shu tariqa, Hasanboy ikki karra Olimpiada chempioniga aylanmoqda.
Qayd etish kerakki, Doʻsmatovning finalgacha yoʻli ajoyib oʻtdi. Hasanboy chorak final bahsida qozogʻistonlik Saken Bibossinovni va yarim final bahsida Kabo Verde vakili Daniyel David Varela de Pinani magʻlub etdi.
Maʼlumot uchun aytish mumkinki, Hasanboy Maʼrufjon oʻgʻli Doʻsmatov 24-iyun 1993-yil Andijon viloyatida tavallud topgan. Hasanboy Doʻstmatov “Rio-de-Janeyro – 2016” yozgi Olimpiada oʻyinlarida 49 kg vazn toifasida oltin medalni qoʻlga kiritgandi.
Bundan tashqari, hamyurtimiz 2013-yilda Universiada oʻyinlarida, 2015, 2017, 2022-yillarda oʻtkazilgan Osiyo chempionatlarida, 2022-yilda Osiyo oʻyinlarida, 2023-yilda jahon chempionatida gʻoliblikka erishgandi.
Tavsiya etamiz
Ko‘p o‘qilganlar
- Dam olish kunlari harorat +27 darajagacha pasayadi
- “Barselona”ga kelgan Dani Olmo klubni qiyin ahvolga solib qoʻydi
- Bir oylik harbiy xizmat toʻlovi miqdori oshiriladi
- Mbappe “Real” uchun gol urgan oʻyinda UYEFA Superkubogiga ega chiqdi
- “Andijon” klubi futbolchisi Milliy gvardiya xodimini urib, jarohat yetkazdi
- YHXB: Tartibga solinmagan oʻtish joyidan oʻtayotgan piyodalardan qoʻllarini baland koʻtarishni soʻraymiz
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring