HAMAS Trampning Gʻazodagi mojaroni hal qilish rejasiga oʻz takliflarini kiritmoqchi
Falastindagi HAMAS harakati AQSH prezidenti Donald Tramp taklif qilgan Gʻazo sektoridagi mojaroni hal qilish rejasiga oʻz izoh va takliflarini taqdim etishni rejalashtirmoqda. Bu haqda TASS xabar qildi.
HAMAS siyosiy byurosi aʼzosi Muhammad Nazzalning taʼkidlashicha, yaqin vaqt ichida harakat mazkur rejaga rasmiy javobini taqdim etadi.
“Harakat rahbariyati kelishuvga erishishga jiddiy tayyor, ammo Gʻazoda qirgʻinbarot urushi davom etadigan yoki falastinliklar oʻz qonuniy huquqlaridan voz kechishiga majbur boʻladigan bitimni HAMAS qabul qilmaydi”, — dedi Nazzal.
Avvalroq Oq uy Gʻazo mojarosini hal etish boʻyicha prezident Tramp ishlab chiqqan 20 moddadan iborat rejani eʼlon qilgan edi.
Hujjatda falastinlik anklavda vaqtinchalik tashqi boshqaruv joriy etish, shuningdek, mintaqani barqarorlashtirish uchun xalqaro kuchlar joylashtirish nazarda tutilgan.
Isroil rasmiylari mazkur rejani qoʻllab-quvvatlashini maʼlum qildi.
Tavsiya etamiz
Ko‘p o‘qilganlar
- Saudiya Arabistonida “Oʻzbekiston madaniyati kunlari” davom etmoqda
- Toshkentda “Oʻzbekkosmos” va “NASA” agentliklari hamkorligida “NASA Space Apps Challenge 2025” Hakaton tadbiri oʻtkazilmoqda
- Super oy: Bugun Yerning tabiiy yoʻldoshi odatdagidan ancha katta koʻrinmoqda
- JSST: Gʻazoda birorta shifoxona toʻliq ishlamayapti
- Aholi va qishloq xoʻjaligini roʻyxatga olishga tayyorgarlik koʻrish va uni oʻtkazish tartibi belgilandi
- Markaziy Osiyo pedagoglari Nukusda jam boʻldi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring