Gruziya Bosh vaziri Irakli Kobaxidze rasmiy tashrif bilan Oʻzbekistonga keldi

14:08 04 Mart 2025 Siyosat
426 0

Bugun, 4-mart kuni Gruziya Bosh vaziri Irakli Kobaxidze rasmiy tashrif bilan Oʻzbekistonga keldi. Mehmonni Toshkent xalqaro aeroportida Oʻzbekiston Respublikasi Bosh vaziri Abdulla Aripov va boshqa rasmiy shaxslar tantanali kutib oldi.

“Tashrif dasturidan qator ikki tomonlama uchrashuvlar va hukumatlararo qoʻshma komissiya yigʻilishini oʻtkazish, sanoat korxonalari faoliyati bilan tanishish va boshqalar oʻrin olgani haqida avval xabar qilingan edi”, deb yozdi Bosh vazir matbuot kotibi.

Tashrif doirasida ikki davlat oʻrtasidagi strategik sheriklikni yanada rivojlantirish masalalari muhokama qilinishi rejalashtirilgan.

Xususan, ikki tomonlama uchrashuvlar va hukumatlararo qoʻshma komissiya yigʻilishi oʻtkazilishi koʻzda tutilgan. Bu uchrashuvlarda savdo-iqtisodiy, transport, turizm va madaniy-gumanitar sohalardagi hamkorlikni kengaytirish masalalari muhokama qilinishi kutilmoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?