“Golden Belt”: Oʻzbek bokschilari umumjamoa hisobida birinchi boʻlishdi

18:59 10 Aprel 2022 Sport
1075 0

Ruminiyada boks boʻyicha “Golden Belt” nomli xalqaro turnir oʻz yakuniga yetdi. Unda ishtirok etgan Oʻzbekiston terma jamoasi 6 ta oltin medal bilan umumjamoa hisobida birinchi oʻrinni qoʻlga kiritdi.

Maʼlum qilganimizdek, musobaqada 10 nafar bokschimiz final yoʻllanmasini qoʻlga kiritgan va 3 ta vaznda oʻzbek oʻgʻlonlarining chempionlik uchun oʻzaro ringga koʻtarilishi jamoamiz kamida 3 ta oltin medalni naqd qilishidan dalolat berar edi. Yakunda bokschilarimiz 6 ta oltin, 4 ta kumush va 3 ta bronza medallarini qoʻlga kiritishdi. Shubhasiz, bunday natijaga turnirda ishtirok etgan hech qaysi jamoa yaqinlasha olmadi. Ruminiyadagi musobaqada gʻolib va sovrindor boʻlgan bokschilarimiz:

Oltin:
-48 kg: Asilbek Jalilov
-54 kg: Shahzod Muzaffarov
-67 kg: Javlon Yuldashev
-75 kg: Saidjamshid Jaʼfarov
-80 kg: Dilshod Roʻzmetov
+92 kg: Lazizbek Mullajonov

Kumush:
-75 kg: Abdulaziz Abdupattayev
-80 kg: Odiljon Aslonov
-92 kg: Diyor Oʻralov
+92 kg: Jahongir Zokirov

Bronza:
-57 kg: Dilshod Abdumurodov
-60 kg: Shunqor Abdurasulov
-63,5 kg: Shoxruhbek Kenjayev

Oʻzbekiston Milliy Olimpiya qoʻmitasi Oʻzbekiston boks federatsiyasi va terma jamoamizni mazkur musobaqada vatanimiz sharafini munosib himoya qilib, yigitlarimizning umumjamoa hisobida birinchi oʻrinni qoʻlga kiritgani bilan samimiy tabriklaydi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер