Foto: AFP

Bundestag va Yevroparlamentning sobiq deputati Fabio de Masi Germaniya kansleri Olaf Sholsni yolgʻon guvohlik berganlikda ayblab, prokuraturaga shikoyat qildi. Bu haqda RND portali xabar bermoqda.

Ariza Gamburg prokuraturasiga yuborilgan. Bu yerda soliq firibgarligida ayblanayotgan "Warburg" bankiga qarshi "Cum-ex" ishi boʻyicha tergov olib borilmoqda. Germaniya kansleri koʻrsatuvda ishtirok etmoqda. Chunki tergov qilinayotgan voqealar vaqtida Shols Gamburg meri boʻlgan, shuningdek, bank xodimlari bilan uchrashuvlar oʻtkazgan.

De Masi taʼkidlaganidek, Sholsning davom etayotgan ishga javoblari mantiqsiz koʻrinadi. Shuningdek, u kansler tergov qoʻmitasini aldagan vaziyatni nomaqbul deb atadi.

Shu yilning 18-avgust kuni Germaniya kansleri Gamburgda tergov qoʻmitasida soʻzga chiqdi va u yerda 30 ta savolga javob berdi. Shols  "Warburg" banki bilan aloqalarini rad etdi va uning bankirlar bilan uchrashuvlari faktlari u ilgari bergan maʼlumotlarga zid kelmoqda.

Avvalroq, Shols  "Warburg" Bank Kuzatuv kengashi raisi Kristian Oleariusga ehtimoliy uchrashuvlar va yordam mavzusida firibgarlikda gumon qilingandi. Siyosatchi oʻz taqvimiga ishora qilib, uchrashuv faktini tasdiqlagan, biroq uning mazmuni esida yoʻqligini aytgan.

Biroq, "Stern" nashri tomonidan chop etilgan xatlar buning aksini tasdiqlaydi. Ularga koʻra, uchrashuv rejadan tashqari oʻtgan, bu esa amaldagi kansler soʻzlarining toʻgʻriligiga shubha uygʻotadi.