Germaniya, Buyuk Britaniya, Kanada kabi davlatlarga borishda viza tartibi soddalashtiriladi
Bunda talabalarga “Work and Travel” kabi dasturlarda yoʻlkira xarajatlari uchun ssuda ajratiladi.
Bu haqda 7-dekabr kuni Shavkat Mirziyoyev raisligida aholini talab yuqori kasblarga oʻqitish va daromadli ish bilan taʼminlash boʻyicha oʻtkazilgan kengaytirilgan yigʻilishda maʼlum qilindi.
Unda rivojlangan davlatlarda talabalar uchun tashkil etilgan “Work and Travel” kabi dasturlarda oʻzbekistonlik yoshlar taʼtil vaqtida chet elga borib, ham bilim olib, ham daromad topayotgani qayd etildi.
Tashqi ishlar vazirligiga Buyuk Britaniya, Germaniya, Kanada, Slovakiya, Avstraliya, Yangi Zelandiya kabi mamlakatlarda oʻqish va malaka oshirish, korxonalarda ishlash istagida boʻlgan fuqarolarga yengillik boʻlishi uchun viza tartibini soddalashtirish boʻyicha zarur choralar koʻrish topshirildi.
Bundan tashqari, chet elda mehnat qilayotgan yurtdoshlar bilan muloqotni kuchaytirish, ularning koʻproq oylik olishiga sharoit yaratish hamda ijtimoiy va huquqiy qoʻllab-quvvatlash lozimligi qayd etildi.
Tavsiya etamiz
Ko‘p o‘qilganlar
- Ayrim oilalarga bir martalik moddiy yordam beriladi
- Oʻzbekistonda doimiy aholi soni har kuni necha kishiga oshyapti?
- Shahram Gʻiyosov tajribali raqibini muddatdan oldin magʻlub etdi
- Samarqand yana bir nufuzli forumga mezbonlik qiladi
- Markaziy bank shoshilinch ogohlantirish bilan chiqdi
- “Leapmotor” Oʻzbekistonda oʻtkazilgan avtomobil testi natijalaridan noroziligini bildirdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring