Fransiya Polshaga qiruvchi samolyotlar yubordi, Germaniya NATOning Sharqiy qanotda ishtirokini kuchaytiradi
Germaniya federal hukumati Polsha havo hududini buzish bilan bogʻliq hodisalarga javoban NATOning Sharqiy qanotida harbiy ishtirokini kengaytirishini maʼlum qildi. Bu haqda Vazirlar Mahkamasining rasmiy saytida xabar berildi.
Berlin Boltiqboʻyi mamlakatlari va Polsha hududidagi mavjud majburiyatlarini bajarish orqali Polshaning havo mudofaasini kuchaytirishini maʼlum qildi. Shuningdek, Germaniya Ukrainani qoʻllab-quvvatlashni kuchaytirishga tayyorligini bildirib, Yevropa Ittifoqi doirasida Rossiyaga qarshi 19-sanksiyalar paketini tezroq qabul qilish zarurligini taʼkidladi.
Fransiya prezidenti Emmanuel Makron esa X ijtimoiy tarmogʻida Polsha havo hududi va NATOning Sharqiy qanotini himoya qilish uchun uchta “Rafale” qiruvchi samolyoti yuborilishini maʼlum qildi. Uning soʻzlariga koʻra, bu masala Polsha bosh vaziri, NATO bosh kotibi va Buyuk Britaniya bosh vaziri bilan muhokama qilingan.
— Yevropa qitʼasining xavfsizligi mutlaq ustuvor vazifa, — deya taʼkidladi Makron.
Tavsiya etamiz
Ko‘p o‘qilganlar
- “Bunyodkor” murabbiyi Sergey Arslanov vafot etdi
- Oʻzbekistonda dollar kursi pastladi
- Qondagi glyukozani pasaytirish uchun kechki ovqatlanishning ideal vaqti maʼlum boʻldi
- Sardobaning siri nimada?
- Kamchatka sohillaridagi kuchli zilziladan soʻng Oʻzbekiston Konsulligi vatandoshlarimizga murojaat qildi
- Buxorolik doktorant nimaning evaziga Prezident sovgʻasi – avtomobilga ega boʻldi?
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring