Xelsinki va Tallin shaharlari oʻrtasidagi suv osti telekommunikatsiya kabeliga zarar yetkazganlikda gumon qilingan kemani qoʻlga oldi. Bu haqida BILD nashri maʼlum qildi.

Bildirilishicha, Finlyandiyadagi aloqa operatori 2025-yil 31-dekabr kuni tongda Xelsinki va Tallin shaharlari oʻrtasida joylashgan suv osti telekommunikatsiya kabelida nosozlik aniqlangani haqida xabar bergan. Mazkur maʼlumot zudlik bilan Finlyandiya Chegara qoʻriqlash xizmatiga yetkazilgan va tekshiruv ishlari boshlangan.

Tekshiruvlar davomida kabelga yetkazilgan zarar Estoniyaning eksklyuziv iqtisodiy zonasi hududida sodir etilgani aniqlangan. Finlyandiya rasmiylarining maʼlum qilishicha, tez orada voqeaga aloqador boʻlishi mumkin boʻlgan kema topilgan. Patrul kemasi va vertolyot tomonidan u Finlyandiyaning eksklyuziv iqtisodiy zonasida, langar tashlab turgan holda aniqlangan. Sohil qoʻriqlash xizmati kemani nazoratga olgan, tergov ishlari esa Xelsinki politsiyasiga topshirilgan.

Maʼlumot uchun, hibsga olingan kema Sent-Vinsent va Grenadinlar bayrogʻi ostida suzib yuruvchi “Fitburg” kemasi hisoblanadi. U Istanbul shahrida roʻyxatdan oʻtgan Turkiyaning “Albros Shipping & Trading” kompaniyasiga tegishli boʻlib, Sankt-Peterburgdan Isroilga yoʻl olgan boʻlgan.

Hodisa yuzasidan milliy va xalqaro darajada tergov ishlari olib borilmoqda.