Farrux Tursunov O‘zbekistonning Ispaniyadagi elchisi etib tayinlandi

18:54 07 Dekabr 2023 Siyosat
381 0

O‘zbekistonning Ispaniyadagi yangi tayinlangan favqulodda va muxtor elchisi Farrux Tursunov Madrid shahriga bordi, deb xabar bermoqda «Dunyo».

Diplomat 1973 yilda tug‘ilgan. Toshkent davlat iqtisodiyot universiteti, Strategik tahlil va istiqbolni belgilash oliy maktabini tamomlagan.

Farrux Tursunov Tashqi ishlar vazirligi tizimida 1994 yildan buyon turli lavozimlarda ishlagan, jumladan, attashedan tortib to departament direktori lavozimida faoliyat olib borgan. Shuningdek, prezident huzuridagi Xavfsizlik kengashida, Qozog‘iston (2008−2012 yillar) va Yaponiyadagi (2012−2017 yillar) elchixonalarga rahbarlik qilgan.

Tayinlovga qadar u 2018 yildan buyon TIVning Strategik tahlil va prognozlash bosh boshqarmasi, shuningdek, Yig‘ma axborot-tahlil departamentini boshqarib kelayotgandi.

U Madriddagi diplomatik missiyaga 2017 yildan buyon rahbarlik qilib kelgan Jahongir Gʻaniyev o‘rniga tayinlandi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер