Иллюстрация: стоп-кадр

Falastin prezidenti Mahmud Abbosning korteji hujumga uchradi. Bu haqda “CNN Türk” telekanali hujumning taxminiy kadrlariga tayanib xabar berdi.

Videoda oʻq oʻtkazmaydigan sovut kiygan odamlar uy yaqiniga yugurib kelib, asfaltdan pulemyotlarni tortib olishlari aks etgan. Keyin ular mashina orqasidan yugurib, nomaʼlum odamlarga qarata oʻq otishni boshlaydilar. Ushbu otishmaning aniq joyi maʼlum qilinmagan.

“Milliyet” nashrining yozishicha, hujum natijasida bir tansoqchi yaralangan va olgan jarohatlari oqibatida hayotdan koʻz yumgan. Voqea uchun masʼuliyatni “Abu Jandel oʻgʻillari” guruhi oʻz zimmasiga olgan, uning aʼzolari bir kun avval Abbosdan Falastindan 24 soat ichida “Isroilga hujum qilishni” talab qilgan.

Mahmud Abbos maʼmuriyati bu xabarni rad etdi

Keyinroq, “RIA Novosti” manbasi Falastin prezidenti xavfsiz va sogʻlom ekanligi hamda Ramallohdagi qarorgohida ishlayotgani haqida xabar berdi.

Agentlik suhbatdoshiga koʻra, tarqatilayotgan videoda Jalazun qochqinlar lagerida xavfsizlik kuchlari va qidiruvdagi jinoyatchi oʻrtasida yuz bergan toʻqnashuv aks etgan.