Illyustrativ foto

Yevropa tiklanish va taraqqiyot banki Ukrainaning “Naftogaz” kompaniyasiga qish mavsumi uchun gaz sotib olish uchun 500 million yevro miqdorida kredit ajratadi. Bu haqda Ukraina bosh vaziri Yuliya Sviridenko maʼlum qildi.

Sviridenko bu shartnoma bank tarixidagi eng yirik shartnoma ekanligini taʼkidladi. Olingan mablagʻlar Ukrainaga qishning eng sovuq kunlarida ham fuqarolarni yorugʻlik va issiqlik bilan taʼminlash imkonini beradi.

“Ammo eng muhimi shundaki, bunday kredit birinchi marta Yevropa Ittifoqi kafolati ostida Ukraina davlat kafolatisiz taqdim etilmoqda”, deya qoʻshimcha qildi u.

Yaqinda “Strana.ua” nashri Ukraina tabiiy gazni, asosan, Vengriya va Slovakiyadan Rossiyadan kelib chiqqan gaz sotib olishni oshirayotgani haqida xabar berdi. Joriy yilning iyul oyida Vengriyadan Ukraina importi 13 foizga oshib, 300 million kub metrga, Slovakiyadan 140 foizga oshib, 268 million kub metrga yetdi.

Shu yilning 28-iyul kuni Ukrainaning “Naftogaz” kompaniyasi rahbari Sergey Koreskiy Ukraina Trans-Bolqon koridori orqali ilk bor Ozarbayjondan gaz import qilayotgani haqida xabar bergandi.