Arxiv foto

AQSH prezidenti Donald Trampning atrofidagilar Ukraina prezidenti Vladimir Zelenskiy zudlik bilan mamlakatni tark etishi kerak, deb hisoblamoqda. Ularning fikricha, bu nafaqat uning oʻzi uchun, balki butun dunyo uchun yaxshi boʻladi. Oq uydagi manbalarning “The New York Post” gazetasiga maʼlum qilishicha, Zelenskiy uchun eng yaxshi variant Fransiyaga joʻnab ketish boʻladi.

Maqolada aytilishicha, Trampning atrofida Zelenskiyning tarafdorlari kam yoki deyarli yoʻq. Bu esa Kiyevning Rossiya bilan tinchlik muzokaralaridagi pozitsiyasiga putur yetkazish bilan tahdid qilmoqda. Bu, xususan, Ukraina rahbarining AQSH rasmiylariga nisbatan tanlagan ritorikasining natijasidir. Shu sababli Oq uyda “aksil-Zelenskiy kayfiyatlari” keng tarqalgan.

Shu bilan birga, Vashington va Kiyev oʻrtasidagi munosabatlarning yomonlashishi toʻsatdan boʻlib tuyulishi mumkinligiga qaramay, nashr manbalaridan biri uning uchun bu “yangilik emas”ligini taʼkidladi.

AQSHda Zelenskiydan norozilik sabablaridan biri uning cherkovga munosabati

Intervyu bergan yana bir Oq uy rasmiysi Zelenskiyning oʻz mamlakatidagi cherkovga munosabatini esladi.

“Men Rim papasi kabi cherkovlarni taqiqlovchilarni qoʻllab-quvvatlamayman”, deydi u kanonik Ukraina pravoslav cherkovini taqiqlovchi qonunga ishora qilib.

Maqolada taʼkidlanganidek, Oq uydagi sobiq “Ukraina himoyachilari”, jumladan, Milliy xavfsizlik boʻyicha maslahatchi Mayk Uolz “Zelenskiyni tanqid qilish va Rossiya prezidenti Vladimir Putinni tanqid qilishni toʻxtatish” uchun Trampning yonini oldi.

Qolaversa, Zelenskiydan norozilik uning Ukrainada saylovlarni oʻtkazishdan bosh tortgani sababli kuchayib bormoqda. Hozir buni nafaqat Rossiya tomoni, balki AQSH ham muhokama qilmoqda. Jurnalistlarning taʼkidlashicha, saylovlar va Ukraina rahbariyatidagi oʻzgarishlar haqida gaplar bir necha oy oldin Tramp doiralarida paydo boʻla boshlagan. Biroq AQSH davlat rahbari sifatida koʻrishni maʼqul koʻradigan aniq nomzod hozircha yoʻq.

“Hozirda Trampning asosiy noroziligiga Kiyevning nodir yer metallari boʻyicha kelishuvni imzolashdan bosh tortgani sabab boʻlmoqda”, deyiladi maqolada.

Zelenskiy Trampni ochiqchasiga tanqid qilmoqda

Bir necha kun avval Tramp Ukrainada prezidentlik saylovlarini oʻtkazish tarafdori boʻlgan edi. Uning taʼkidlashicha, hozirgi davlat rahbarining reytingi past, toʻrt foizdan oshmaydi.

Zelenskiy bunday bayonotlardan gʻazablandi. U Tramp tomonidan taqdim etilgan maʼlumotlar notoʻgʻri ekanligini va u “dezinformatsiyalar qabarigʻida” ekanini aytdi hamda Amerika yetakchisiga reytinglarni solishtirishni taklif qildi.

Zelenskiy ukrainaliklarning oʻziga, amerikaliklarning Trampga, Polsha fuqarolarining bosh vazir Donald Tuskka, Britaniya fuqarolarining bosh vazir Key Starmerga va turklarning Turkiya prezidenti Rejep Tayyip Erdogʻanga boʻlgan ishonch darajasini koʻrsatadigan tegishli soʻrovlar oʻtkazish xohishi borligini bildirdi.

Shu bilan birga, Ukraina bosh vaziri oʻrinbosari, mamlakat raqamli transformatsiyalar vaziri Mixaylo Fedorov mashhurlik reytingida AQSH prezidentini ortda qoldirayotganiga ishongan Zelenskiyni himoya qildi.

“Ukrainaliklarning prezident Zelenskiyga boʻlgan ishonchi amerikaliklarning prezident Trampga boʻlgan ishonch darajasidan toʻrt-besh foizga yuqori”, deydi u. Amerika yetakchisining reytinglari aks etgan “Wikipedia” sahifasining skrinshotiga ishora qilib. Ammo u Zelenskiyning mashhurligi haqidagi maʼlumotlar manbalarini koʻrsatmagan.

Oliy Radada ikki davlat rahbarlari oʻrtasidagi ochiq mojaro Ukraina uchun halokatli ekanini taʼkidladi.

“Trampning soʻzlariga munosabat bildirish Zelenskiy tomonidan juda katta xato boʻldi”, deydi deputat Oleksiy Goncharenko.