Архив фото

АҚШ президенти Дональд Трампнинг атрофидагилар Украина президенти Владимир Зеленский зудлик билан мамлакатни тарк этиши керак, деб ҳисобламоқда. Уларнинг фикрича, бу нафақат унинг ўзи учун, балки бутун дунё учун яхши бўлади. Оқ уйдаги манбаларнинг «The New York Post» газетасига маълум қилишича, Зеленский учун энг яхши вариант Францияга жўнаб кетиш бўлади.

Мақолада айтилишича, Трампнинг атрофида Зеленскийнинг тарафдорлари кам ёки деярли йўқ. Бу эса Киевнинг Россия билан тинчлик музокараларидаги позициясига путур етказиш билан таҳдид қилмоқда. Бу, хусусан, Украина раҳбарининг АҚШ расмийларига нисбатан танлаган риторикасининг натижасидир. Шу сабабли Оқ уйда «аксил-Зеленский кайфиятлари» кенг тарқалган.

Шу билан бирга, Вашингтон ва Киев ўртасидаги муносабатларнинг ёмонлашиши тўсатдан бўлиб туюлиши мумкинлигига қарамай, нашр манбаларидан бири унинг учун бу «янгилик эмас»лигини таъкидлади.

АҚШда Зеленскийдан норозилик сабабларидан бири унинг черковга муносабати

Интервью берган яна бир Оқ уй расмийси Зеленскийнинг ўз мамлакатидаги черковга муносабатини эслади.

«Мен Рим папаси каби черковларни тақиқловчиларни қўллаб-қувватламайман», дейди у каноник Украина православ черковини тақиқловчи қонунга ишора қилиб.

Мақолада таъкидланганидек, Оқ уйдаги собиқ «Украина ҳимоячилари», жумладан, Миллий хавфсизлик бўйича маслаҳатчи Майк Уолз «Зеленскийни танқид қилиш ва Россия президенти Владимир Путинни танқид қилишни тўхтатиш» учун Трампнинг ёнини олди.

Қолаверса, Зеленскийдан норозилик унинг Украинада сайловларни ўтказишдан бош тортгани сабабли кучайиб бормоқда. Ҳозир буни нафақат Россия томони, балки АҚШ ҳам муҳокама қилмоқда. Журналистларнинг таъкидлашича, сайловлар ва Украина раҳбариятидаги ўзгаришлар ҳақида гаплар бир неча ой олдин Трамп доираларида пайдо бўла бошлаган. Бироқ АҚШ давлат раҳбари сифатида кўришни маъқул кўрадиган аниқ номзод ҳозирча йўқ.

«Ҳозирда Трампнинг асосий норозилигига Киевнинг нодир ер металлари бўйича келишувни имзолашдан бош тортгани сабаб бўлмоқда», дейилади мақолада.

Зеленский Трампни очиқчасига танқид қилмоқда

Бир неча кун аввал Трамп Украинада президентлик сайловларини ўтказиш тарафдори бўлган эди. Унинг таъкидлашича, ҳозирги давлат раҳбарининг рейтинги паст, тўрт фоиздан ошмайди.

Зеленский бундай баёнотлардан ғазабланди. У Трамп томонидан тақдим этилган маълумотлар нотўғри эканлигини ва у «дезинформациялар қабариғида» эканини айтди ҳамда Америка етакчисига рейтингларни солиштиришни таклиф қилди.

Зеленский украиналикларнинг ўзига, америкаликларнинг Трампга, Польша фуқароларининг бош вазир Доналд Тускка, Британия фуқароларининг бош вазир Кей Стармерга ва туркларнинг Туркия президенти Режеп Таййип Эрдоғанга бўлган ишонч даражасини кўрсатадиган тегишли сўровлар ўтказиш хоҳиши борлигини билдирди.

Шу билан бирга, Украина бош вазири ўринбосари, мамлакат рақамли трансформациялар вазири Михайло Федоров машҳурлик рейтингида АҚШ президентини ортда қолдираётганига ишонган Зеленскийни ҳимоя қилди.

«Украиналикларнинг президент Зеленскийга бўлган ишончи америкаликларнинг президент Трампга бўлган ишонч даражасидан тўрт-беш фоизга юқори», дейди у. Америка етакчисининг рейтинглари акс этган “Wikipedia” саҳифасининг скриншотига ишора қилиб. Аммо у Зеленскийнинг машҳурлиги ҳақидаги маълумотлар манбаларини кўрсатмаган.

Олий Радада икки давлат раҳбарлари ўртасидаги очиқ можаро Украина учун ҳалокатли эканини таъкидлади.

«Трампнинг сўзларига муносабат билдириш Зеленский томонидан жуда катта хато бўлди», дейди депутат Олексий Гончаренко.