Endilikda Oʻzbekistonda tugʻilgan fuqaroligi boʻlmaganlarga fuqarolik olish uchun uzluksiz 5 yil yashash talab etilmaydi

“Oʻzbekiston Respublikasining fuqaroligi toʻgʻrisida”gi Oʻzbekiston Respublikasi Qonuniga qoʻshimcha va oʻzgartishlar kiritish haqida»gi Qonun Prezident tomonidan imzolandi.
Qonunga “identifikatsiyalovchi ID-kartasi” tushunchasi kiritildi.
Oʻzgartirishga koʻra, 2005-yil 1-yanvarga qadar Oʻzbekistonda doimiy yashash joyi boʻyicha roʻyxatga olingan hamda muqaddam chet davlat fuqaroligida boʻlmagan shaxs xohish bildirgan taqdirda, Oʻzbekiston fuqarosi deb tan olinadi.
Shuningdek, ota-onasidan biri (yolgʻiz otasi yoki onasi) Oʻzbekiston fuqarosi deb tan olingan, chet davlat fuqaroligini qabul qilmagan va Oʻzbekistonda yashab kelayotgan bola xohish bildirgan taqdirda, Oʻzbekiston fuqarosi deb tan olinadi.
Qonunga koʻra, endilikda Oʻzbekiston fuqarosi deb tan olish uchun faktlarni tasdiqlovchi hujjatlar mavjud boʻlmagan taqdirda, ariza beruvchi ushbu faktlarni sud tartibida aniqlashi mumkin.
Bundan tashqari, Oʻzbekiston hududida tugʻilgan va yashab kelayotgan fuqaroligi boʻlmagan shaxslar Oʻzbekiston fuqaroligini olish maqsadida iltimosnoma bilan murojaat qilgan kunga qadar 5 yil davomida (fuqaroligi boʻlmagan shaxsga yashash guvohnomasi olingan kundan eʼtiboran) uzluksiz yashash sharti bekor qilinishi belgilandi.
Ushbu Qonun rasmiy eʼlon qilingan kundan eʼtiboran kuchga kiradi.
Tavsiya etamiz
Ko‘p o‘qilganlar
- Toʻpalang GES inshootida texnik nosozlik toʻliq bartaraf etilgan. Vaziyat barqaror — «Oʻzbekgidroenergo» AJ
- Tadqiqot xulosasi: Koronavirusning davomli asoratlari emlanganlarda kam kuzatiladi
- Konstitutsiyaviy qonun loyihasi 25-iyun kunidan “Xalq soʻzi” va «Народное слово» gazetalarida umumxalq muhokamasiga qoʻyiladi
- “Kitob uychalari”, “Yosh kitobxon klubi”... Artel kompaniyasi kitobxonlikni keng targʻib qilmoqda
- Xillari Klinton 2024-yilgi prezidentlik saylovlarida ishtirok etmasligini maʼlum qildi
- Abituriyent oʻqishga kirishda oʻzi istagan chet tilidan test topshirishi mumkin
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring