Dzyudo jamoamiz tarixda ilk bor jahon chempionatida umumjamoa hisobida birinchi boʻldi

10:05 01 Noyabr 2021 Sport
816 0

Dzyudo boʻyicha Oʻzbekiston terma jamoasi Fransiya poytaxti Parij shahri mezbonligida davom etayotgan harbiylar oʻrtasidagi jahon chempionatida muvaffaqiyatli ishtirok etmoqda.

Ulugʻbek Azizov va Tohir Fayziyev murabbiyligidagi dzyudochilarimiz yakkalik bahslari yakuniga koʻra 4 ta oltin, 1 ta bronza medali bilan umumjamoa hisobida birinchi oʻrinni egallashdi. Diyora Keldiyorova (-52 kg), Dilshodjon Baratov (-60 kg), Davlat Bobonov (-90 kg) va Muzaffarbek Toʻraboyev (-100 kg) jahon chempioniga aylangan boʻlsa, Shohruh Baxtiyorov (+100 kg) bronza medaliga sazovor boʻldi.

Ikkinchi oʻrinni braziliyalik dzyudochilar 3 ta oltin, 4 ta kumush, 4 ta bronza medali bilan band etgan boʻlsa, kuchli uchlikka mezbonlar – Fransiya terma jamoasi 3 ta oltin, 3 ta kumush, 4 ta bronza medali bilan yakun yasadi. Avstriya 2 ta oltin, Rossiya va Slovakiya terma jamoalari 1 tadan oltin medalni qoʻlga kiritishdi.

Endi vakillarimiz jamoaviy yoʻnalishda ham oltin medallar uchun bahs olib borishadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?