Fransiya poytaxtida oʻtkazilayotgan yozgi Olimpiada oʻyinlarida oʻzbek sportchilari oʻz yurishlarini davom ettirmoqda.

Bugundan «Parij-2024» yozgi Olimpiada oʻyinlari doirasida yengil atletikachilarimiz bahslarga kirishishadi. Kun davomida 3 sport turida atletimiz ishtirok etishadi.

Kunni dzyudo boʻyicha jamoaviy bahsda qatnashadigan sportchilarimiz ochib beradi. Soat taxminan 11:00 dan boshlab, Oʻzbekiston dzyudo terma jamoasi (aralash) Kanada terma jamoasiga qarshi tatamiga koʻtariladi.

Jamoaviy bahslarda Olimpiada chempioni Diyora Keldiyorova ham qatnashishi koʻzda tutilgan.

Soat 13:00 ga yaqin «B» guruhi finalida Anna Prakaten oʻz omadini sinab koʻradi. Garchi ushbu final hech qanday medal olib kelmasa ham, mamlakatimizda ushbu sport turning rivojlanishi uchun ahamiyatli hisoblanadi.

Boks boʻyicha esa 3 ta chorak final bahsini oʻtkazamiz. Dastlab yigitlarimiz ringga koʻtariladi. 57 kggacha boʻlgan vazn toifasida bayroqdorimiz Abdulmalik Halakov ringga koʻtarilsa, -71 kg vazn toifasida Asadxoʻja Moʻydinxoʻjayev raqibini sinovdan oʻtkazadi.

Albatta, soʻnggi bokschi qizimiz Navbahor Hamidovaning bahsi ham yurtdoshlarimizda qiziqish uygʻotmoqda. Maʼlum qilinishicha, mazkur bahs 4-avgustga oʻtar kechasi tungi soat 00:30 dan keyin boʻlib oʻtadi.

«Xalq soʻzi» barcha sportchilarimizga omad va muvaffaqiyat tilaydi.

Avvalroq, Alisher Yusupov bronza medal sohibi boʻlgandi.