Франция пойтахтида ўтказилаётган ёзги Олимпиада ўйинларида ўзбек спортчилари ўз юришларини давом эттирмоқда.

Бугундан «Париж-2024» ёзги Олимпиада ўйинлари доирасида енгил атлетикачиларимиз баҳсларга киришишади. Кун давомида 3 спорт турида атлетимиз иштирок этишади.

Кунни дзюдо бўйича жамоавий баҳсда қатнашадиган спортчиларимиз очиб беради. Соат тахминан 11:00 дан бошлаб, Ўзбекистон дзюдо терма жамоаси (аралаш) Канада терма жамоасига қарши татамига кўтарилади.

Жамоавий баҳсларда Олимпиада чемпиони Диёра Келдиёрова ҳам қатнашиши кўзда тутилган.

Соат 13:00 га яқин «B» гуруҳи финалида Анна Пракатен ўз омадини синаб кўради. Гарчи ушбу финал ҳеч қандай медаль олиб келмаса ҳам, мамлакатимизда ушбу спорт турнинг ривожланиши учун аҳамиятли ҳисобланади.

Бокс бўйича эса 3 та чорак финал баҳсини ўтказамиз. Дастлаб йигитларимиз рингга кўтарилади. 57 кггача бўлган вазн тоифасида байроқдоримиз Абдулмалик Ҳалаков рингга кўтарилса, -71 кг вазн тоифасида Асадхўжа Мўйдинхўжаев рақибини синовдан ўтказади.

Албатта, сўнгги боксчи қизимиз Навбаҳор Ҳамидованинг баҳси ҳам юртдошларимизда қизиқиш уйғотмоқда. Маълум қилинишича, мазкур баҳс 4 августга ўтар кечаси тунги соат 00:30 дан кейин бўлиб ўтади.

«Халқ сўзи» барча спортчиларимизга омад ва муваффақият тилайди.

Аввалроқ, Алишер Юсупов бронза медаль соҳиби бўлганди.