Joriy yilning 24-dekabr kuni soat 15:00 da Oʻzbekfilm kinokonsernining katta pavilyonida “Yangi Oʻzbekiston – tinchlik, maʼrifat, taraqqiyot” shiori ostida boʻlib oʻtayotgan “Debyut” talaba-yoshlar kinofestivalining yopilish marosimi oʻtkaziladi. Unda yosh ijodkorlar 10 ta nominatsiya boʻyicha taqdirlanadi.

Festival Kinematografiya agentligi, Milliy kinematografiyani rivojlantirish markazi, Kinoarboblar ijodiy uyushmasi, Oʻzbekiston davlat sanʼat va madaniyat instituti hamda bir qator tashkilotlar hamkorligida tashkil etilmoqda.

Tadbir yurtimizda yosh isteʼdodli kinoijodkorlarni qoʻllab-quvvatlash, mahoratli talaba yoshlarni aniqlash, ularni ragʻbatlantirish, milliy kino sanʼati vakillari bilan hamkorlikda kinematografiya sohasini rivojlantirish, yoshlar hamda milliy kinoindustriya vakillari bilan hamkorlikda qoʻshma kino loyihalari yaratishni kengaytirish hamda ushbu sohada ilmiy tadqiqot izlanishlarni amalga oshirish maqsadida oʻtkazilmoqda.