Davlat tilida taomnoma taqdim etmagan yemakxona jarimaga tortildi
Raqobat qoʻmitasi reklama qonunchiligiga rioya etmagan va taomnomani davlat tilida taqdim qilmagan umumiy ovqatlanish korxonasini jarimaga tortdi. Bu haqda qoʻmitaning matbuot xizmati xabar qildi.
Ijtimoiy tarmoqlar orqali qoldirilgan murojaatga koʻra, “Salmon Lazzat” OK (Ikrom shashlikxonasi) tomonidan tegishli hujjatga ega boʻlmagan holda reklama joylashtirilganligi va taomnomada maʼlumotlar xorijiy tilda taqdim etilgani maʼlum boʻldi.
Buning natijasida, hududiy boshqarma Maxsus komissiyasi tomonidan “Salmon Lazzat” OKga nisbatan “Isteʼmolchilarning huquqlarini himoya qilish toʻgʻrisida”gi va “Reklama toʻgʻrisida”gi Qonunlar hamda Vazirlar Mahkamasining 75-sonli qarori bilan tasdiqlangan “Oʻzbekiston Respublikasida umumiy ovqatlanish mahsulotlarini (xizmatlarni) ishlab chiqarish va sotish Qoidalari” talablari buzilishi alomatlari yuzasidan ish koʻrib chiqilib, qonunbuzilish holatlarini bartaraf etish yuzasidan bajarilishi majburiy boʻlgan koʻrsatma berildi hamda moliyaviy jarima qoʻllanildi.
Tavsiya etamiz
Ko‘p o‘qilganlar
- Ayrim oilalarga bir martalik moddiy yordam beriladi
- Oʻzbekistonda doimiy aholi soni har kuni necha kishiga oshyapti?
- Shahram Gʻiyosov tajribali raqibini muddatdan oldin magʻlub etdi
- Samarqand yana bir nufuzli forumga mezbonlik qiladi
- Markaziy bank shoshilinch ogohlantirish bilan chiqdi
- “Leapmotor” Oʻzbekistonda oʻtkazilgan avtomobil testi natijalaridan noroziligini bildirdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring