Jahon iqtisodiy forumi “Kasblar kelajagi”ni oʻrgangan hisobotini eʼlon qilindi. Hisobotni tayyorlashda sunʼiy intellektning (SI) kasblarga taʼsiri borasida ommaviy soʻrovnoma oʻtkazilgan. Bu haqida CNN nashri xabar berdi.

Unga koʻra, soʻrovda qatnashgan yuzlab yirik kompaniyalarning 77 foizi sunʼiy intellekt kasblarni egallashidan xavotirda ekanligini bildirgan. SI bilan teng ishlash borasida oʻz xodimlarini tayyorlash bosqichini ham oʻtkazish niyatida ekanligini bildirishgan.

Dunyo boʻylab kompaniyalarning deyarli yarmi esa 2030-yilga kelib oʻz xodimlarini sunʼiy intellektga almashtirmoqchi ekanligi maʼlum qilgan. SI maʼlum vazifalarni avtomatik bajara olishini hisobga olib ish beruvchi kompaniyalarning 41 foizi xodimlarni qisqartirish niyatida ekanligini taʼkidlagan.

Birinchi navbatda, yozma ishlar bilan shugʻullanadigan xodimlar va buxgalterlarning ishlarini sunʼiy intellekt egallaydi. Soʻngra, grafik dizaynerlar va huquqshunoslar ishi AI zimmasiga yuklanishi mumkin.

Dunyo boʻylab 70 foiz kompaniyalar neyron tarmoqlar hamda sunʼiy intellekt yaratuvchi mutaxassislarni ishga qabul qilish fikrida ekanligini bildirgan. Hisobotda keltirilgan 62 foiz kompaniyalar, hech boʻlmagandi SI bilan ishlashni biladigan kadrlarni ishga olish niyatidalar, deyiladi xabarda.