Senatning Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasi rais oʻrinbosari Odiljon Mamatkarimov Namangan viloyatida xizmat safari davomida Chortoq tumanida “Hududlarning ijtimoiy-iqtisodiy holatiga mos xorijiy investitsiyalarni jalb qilish, oʻzlashtirish va istiqbolli loyihalarni amalga oshirish” mavzusida oʻtkazilgan seminarda ishtirok etdi.

Shuningdek, tadbirda mahalliy Kengashlar deputatlari, Savdo-sanoat palatasi vakillari, tadbirkorlar va fuqarolar qatnashdi.

Seminarda hududlarning iqtisodiy salohiyatidan samarali foydalanish, xorijiy investitsiyalarni jalb etish imkoniyatlarini kengaytirish va istiqbolli loyihalarni amalga oshirish masalalari muhokama etildi.

Mutasaddi tashkilotlar va tadbirkorlar oʻrtasida ochiq muloqot oʻtkazilib, qoʻshma tashabbuslar boʻyicha taklif va tavsiyalar ilgari surildi.

Shu bilan birga, senator “MELEH TEX” masʼuliyati cheklangan jamiyati faoliyati bilan ham tanishdi. Korxonada ichki va tashqi bozorlarda talab yuqori boʻlgan eksportbop tekstil mahsulotlari ishlab chiqarilmoqda.