“Oʻzbekiston Respublikasining Mehnat kodeksini tasdiqlash toʻgʻrisida”gi Qonun qabul qilingan.

Yangi Mehnat kodeksiga koʻra, jumladan:

— Mehnat shartnomasida xodimni kamsitadigan shartlar boʻlishiga yoʻl qoʻyilmaydi.

— Mehnatga natura shaklida haq toʻlash taqiqlanadi.

— Ishdan boʻshatish nafaqasi 200 foizgacha toʻlanadi.

— Dam olish kuni bayram kuniga toʻgʻri kelsa keyingi kunga koʻchiriladi.

— Ish beruvchining xodimdan mehnat shartnomasida shartlashilmagan ishni talab qilishi taqiqlanadi.

— Xodim har xil malaka talab etiladigan ishlarni bajarganda unga yuqori malaka boʻyicha haq toʻlanadi.

— Yillik asosiy taʼtil muddati 21 kalendar kun etib belgilanadi.

— Xizmat tekshiruvi oʻtkazish tartibi belgilanmoqda.

— Xodimlarga ish haqi qisman saqlanadigan qoʻshimcha taʼtillar berilishi mumkin.

— Ayollarga homilani antenatal (tugʻruqqacha) parvarishlash uchun qoʻshimcha boʻsh kunlar beriladi.

— 3 yoshgacha bolasi bor ayollarni ishdan boʻshatish asoslari kengaytirildi.

— Ayrim toifadagi xodimlar uchun sinov muddati 3 oydan 6 oygacha uzaytiriladi.

— Xodimni boshqa ish beruvchiga vaqtincha xizmat safariga yuborish tartibi belgilanmoqda.

— Ish beruvchining boshqa joyga koʻchishi mehnat shartnomasini oʻzgartirishga asos boʻladi.

— Ishga qabul qilinayotgan 18 yoshga toʻlmagan shaxslarga dastlabki sinov belgilanmaydi.