“Ўзбекистон Республикасининг Меҳнат кодексини тасдиқлаш тўғрисида”ги Қонун қабул қилинган.

Янги Меҳнат кодексига кўра, жумладан:

— Меҳнат шартномасида ходимни камситадиган шартлар бўлишига йўл қўйилмайди.

— Меҳнатга натура шаклида ҳақ тўлаш тақиқланади.

— Ишдан бўшатиш нафақаси 200 фоизгача тўланади.

— Дам олиш куни байрам кунига тўғри келса кейинги кунга кўчирилади.

— Иш берувчининг ходимдан меҳнат шартномасида шартлашилмаган ишни талаб қилиши тақиқланади.

— Ходим ҳар хил малака талаб этиладиган ишларни бажарганда унга юқори малака бўйича ҳақ тўланади.

— Йиллик асосий таътил муддати 21 календарь кун этиб белгиланади.

— Хизмат текшируви ўтказиш тартиби белгиланмоқда.

— Ходимларга иш ҳақи қисман сақланадиган қўшимча таътиллар берилиши мумкин.

— Аёлларга ҳомилани антенатал (туғруққача) парваришлаш учун қўшимча бўш кунлар берилади.

— 3 ёшгача боласи бор аёлларни ишдан бўшатиш асослари кенгайтирилди.

— Айрим тоифадаги ходимлар учун синов муддати 3 ойдан 6 ойгача узайтирилади.

— Ходимни бошқа иш берувчига вақтинча хизмат сафарига юбориш тартиби белгиланмоқда.

— Иш берувчининг бошқа жойга кўчиши меҳнат шартномасини ўзгартиришга асос бўлади.

— Ишга қабул қилинаётган 18 ёшга тўлмаган шахсларга дастлабки синов белгиланмайди.