Maʼlumki, Niderlandiyaning Veyk-an-Zeye shahrida shaxmat boʻyicha anʼanaviy “Tata Steel Chess 2025” musobaqasi oʻtkazilmoqda.

Bugun, 24-yanvar kuni musobaqaning 6-tur uchrashuvlari oʻtkaziladi.

Nufuzli turnirda hamyurtlarimiz ham ishtirok etishmoqda. Jumladan, “Masters” guruhida Nodirbek Abdusattorov, “Chellangers” guruhida esa Nodirbek Yakubboyev sovrinli oʻrinlar uchun bahs olib borishmoqda.

Beshinchi turdan soʻng Abdusattorov 3 gʻalaba va 2 durang bilan 4 ochko jamgʻargan holda qoʻshimcha koʻrsatkichlarga koʻra peshqadam boʻlib turibdi.

“Chellangers” guruhida qatnashayotgan Nodirbek Yakubboyev esa 2,5 ochko bilan 8-pogʻonada band qilgan.

Nodirbek Abdusattorov 6 tur doirasida bugungi kundagi asosiy raqiblaridan biri — amaldagi jahon chempioni, hindistonlik Gukesh Dommaradju bilan oq donalarda bahs olib boradi.

Bugungi bahs oldidan Abdusattorov hisobida 4, Gukeshda esa 3,5 ochko bor. Jahon chempioni qoʻshimcha koʻrsatkichlarga koʻra kuchli uchlikka yakun yasagan.

Hamyurtimiz Nodirbek Yakubboyev 6-tur doirasida germaniyalik Frederik Svenga qarshi oq donalarda bahs olib boradi.

Hamyurtlarimiz ishtirokidagi har ikki uchrashuv Toshkent vaqti bilan soat 18:00 da boshlanadi.

Eslatib oʻtamiz, Hindistonlik 18 yoshli Gukesh Dommaradju shaxmat tarixidagi eng yosh jahon chempioni hisoblanadi. U 2024-yilning 12-dekabr kuni jahon chempionligi uchun kurashda amaldagi champion Din Lirenni qora donalarda magʻlub qilgan edi.