Bolgariya Rossiya neftini import qilishni toʻxtatdi

01:38 02 Mart 2024 Dunyo
252 0

Illyustrativ foto

Bolgariya Rossiya neftini sotib olishni rasman toʻxtatdi. Bu haqda “Novinite” agentligi xabar bermoqda.

“Shu yilning 1-martdan boshlab qaror kuchga kirdi, unga koʻra Bolgariya yoqilgʻi ishlab chiqarish uchun Rossiya neftidan foydalanish va import qilishni rasman toʻxtatdi”, — deyiladi manbada.

Avvaliga mamlakat yil oxirigacha Rossiya neftidan foydalanishi rejalashtirilgan edi, biroq Bolgariya parlamentariylari “davom etayotgan geosiyosiy keskinliklar fonida Rossiyani moliyalashdan” qochishga urinib, bu muddatni qisqartirishga qaror qilishdi.

2022-yilda Yevropa Ittifoqiga aʼzo davlatlarning rahbarlari Moskva tomonidan sotiladigan “qora oltin”ga nisbatan qisman neft embargosini joriy etish boʻyicha kelishuvga erishgandi. Shu bilan birga, Bolgariyaga istisno tariqasida 2024-yilning oxirigacha dengiz orqali tashiladigan Rossiya neftini qayta ishlashga ruxsat berilgandi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер