Foto: Illustrativ foto

Finance Inquirer nashri RGCA xalqaro tadqiqoti natijalari va UNICEF, Jahon banki va OECD maʼlumotlariga tayanib, bolalarni maktabgacha taʼlim muassasalariga jalb qilish boʻyicha eng yaxshi dinamikaga ega boʻlgan dunyodagi eng peshqadam 10 ta davlatni eʼlon qildi. Oʻzbekiston jahon reytingida birinchi oʻrinni egalladi.

Hisobot 2018-yildan 2020-yilgacha boʻlgan davrni oʻz ichiga olgan maktabgacha taʼlimning uzoq muddatli tendensiyalarining umumiy koʻrinishini oʻz ichiga oladi.

Maqolada keltirilgan maʼlumotlarga koʻra, aksariyat hududlarda maktabgacha taʼlim bilan bogʻliq vaziyat toʻxtab qolgan yoki salbiy oʻsish zonasiga oʻtgan, bir qator mamlakatlarda esa taʼsirchan oʻsish kuzatilmoqda. Eng yorqin misol Oʻzbekiston boʻlib, u yerda 3 yoshdan 6 yoshgacha boʻlgan bolalarni maktabgacha taʼlim bilan qamrab olishning oʻsish dinamikasi koʻrib chiqilayotgan davrda 59 foizni tashkil etdi.

Voqeani sharhlar ekan, Oʻzbekiston Respublikasi maktabgacha taʼlim vaziri Agrippina Shin shunday dedi:

“Aytishim mumkinki, tadqiqotda keltirilgan raqamlar tasodifiy emas: mamlakat rahbariyati tomonidan 2017-yildan buyon maktabgacha taʼlimni rivojlantirishga qaratilayotgan eʼtibor, hatto pandemiya davrining barcha uchun ogʻir bosqichini hisobga olgan holda ham, sezilarli natijalarga olib keldi. Ishonchim komilki, biz yuqori oʻsish surʼatlarini saqlab qolamiz va yaqin kelajakda nafaqat oʻsish dinamikasi, balki mutlaq koʻrsatkichlar boʻyicha ham dunyoning yetakchi davlatlari darajasiga chiqamiz”.