Bemorlarning ham vaqti, ham naqdi tejalmoqda

16:43 07 Fevral 2024 Jamiyat
217 0

Guliston tibbiyot klasterida bundan bir necha yillar muqaddam travmatologiya va ortopediya yoʻnalishida bir necha turdagi amaliyotlar yoʻlga quyilgan boʻlsa, bugungi kunga kelib, yuqori texnologik amaliyotlar turi 70 tadan oshib ketdi.

Birgina oʻtgan yili 8 nafar fuqaroda buyrak transplantatsiyasi, 79 nafar fuqaroda chanoq-son, tizza boʻgʻimlarida endoprotezlash, 58 nafar fuqaroda umurtqa pogʻonasi disk churrasida titan keydj bilan mustahkamlash, 16 nafar fuqaroda bosh miya bilan bogʻliq, 200 dan oshiq fuqarolarda laparoskopik, jami 631 nafar fuqaroda yuqori texnologik amaliyotlar oʻtkazildi.

— Yuqori texnologik amaliyotlarni oʻzlashtirishimizda muassasamizga keltirilgan zamonaviy, eng soʻnggi rusumdagi tibbiy uskunalar muhim omil boʻlyapti, — deydi Guliston tibbiyot klasteri neyrotravmatologiya boʻlimi ortoped-travmatologi Sevara Otayeva.

Aytish lozimki, Guliston tibbiyot klasterida yuqori texnologik jarrohlik amaliyotlari turi koʻpayganligi bemorlarga ham vaqtini, ham naqdini tejash imkoniyati yaratilmoqda.

Ahmadali SHERNAZAROV, “Xalq soʻzi”.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?