Aziza Yoqubova kattalar oʻrtasidagi jahon chempionatida sovrindor boʻlgan oʻzbekistonlik birinchi ayol bokschi boʻldi

20:43 18 May 2022 Sport
1138 0

Foto: IBA matbuot xizmati

Turkiyada boʻlib oʻtayotgan boks boʻyicha xotin-qizlar oʻrtasidagi jahon chempionatida sovrinli oʻrinlar uchun bahslar boshlandi. Bugun musobaqaning yarim final janglari oʻtkazilmoqda. Ushbu bosqichga ikki vakilаmiz Aziza Yoqubova ( -50 kg.) hamda Mohira Abdullayeva ( -81 kg.) yetib kelgan edi.

Aziza yarim finalda kolumbiyalik Lorena Valensiyaga qarshi jang qildi. Afsuski, tengma-teng kurashlarga boy oʻtgan bahsda vakilimiz 1:4 hisobida imkoniyatni boy berib qoʻydi. Shu tariqa, bokschimiz jahon chempionatining bronza medalini qoʻlga kiritadigan boʻldi. Eʼtiborli jihati, Aziza Yoqubova xotin-qizlar oʻrtasida kattalar ishtirokidagi jahon chempionatida medal qoʻlga kiritgan birinchi bokschi boʻldi.

Bugun Mohira Abdullayeva ham oʻzining yarim final jangini oʻtkazadi. U finalga chiqish uchun Marokash vakili Xaija Mardiga bahs olib boradi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?