Illyustrativ foto

Oʻzbekistondagi ayollar rahbarlik qiluvchi kichik korxona va firmalar soni maʼlum qilindi. Bu haqda Milliy statistika qoʻmitasi xabar qildi.

Maʼlumotlarga koʻra, joriy yilning 1-yanvar holatiga koʻra, Oʻzbekistonda tadbirkor ayollar rahbarligidagi kichik korxona va mikrofirmalar soni 43 860 tani tashkil etgan.

Bu koʻrsatkich oʻtgan yilning mos davriga qaraganda 2 611 taga yoki 6,3 % ga oshgan. Bu raqamlar Oʻzbekistonda ayollarning tadbirkorlikdagi oʻrni sezilarli darajada mustahkamlanayotganini koʻrsatadi, ammo umumiy tadbirkorlik bozorida ayollarning ulushi hanuz yetarlicha yuqori emas. 2025-yilning yanvar fevral oylarida kichik tadbirkorlik subyektlari soni 370 364 tani tashkil etgan.

Ayol rahbarlar boshqaruvchi shu turdagi korxona va firmalar soni hududlar kesimida quyidagicha:

Toshkent shahri – 12 814 ta;

Toshkent viloyati – 5 598 ta;

Samarqand viloyati – 3 905 ta;

Qoraqalpogʻiston R. – 2 866 ta;

Xorazm viloyati – 2 673 ta;

Surxondaryo viloyati – 2 656 ta;

Buxoro viloyati – 2 434 ta;

Fargʻona viloyati – 2 035 ta;

Navoiy viloyati – 2 025 ta;

Qashqadaryo viloyati – 1 879 ta;

Jizzax viloyati – 1 366 ta;

Sirdaryo viloyati – 1 252 ta;

Andijon viloyati – 1 227 ta;

Namangan viloyati – 1 130 ta.