Foto: Reuters

https://www.ft.com/content/896da2e5-daa5-4b4e-a51c-0aef4de95d36

AQSH Ukrainaga nodir meneral resurslarni qazib olish boʻyicha yangi shartnoma taklif qildi, u shartlar jihatidan ancha qattiqroq va xavfsizlik kafolatlarini oʻz ichiga olmaydi. Bu haqda “Financial Times” gazetasi manbalarga tayanib yozmoqda.

“AQSH Ukrainaning muhim mineral va energetika aktivlarini nazorat qilish boʻyicha yangi yirik kelishuvga intilmoqda, buning evaziga Kiyevga hech qanday xavfsizlik kafolatlarini taklif qilmasdan, oʻzining oldingi talablarini agressiv ravishda kengaytirmoqda”, — deyiladi nashrda.

Qayd etilishicha, bu yerda gap AQSH tomonidan gaz, neft sotib olish, shuningdek, mamlakatning asosiy energetika obyektlarini nazorat qilish haqida ketmoqda. Ilgari faqat nodir meneral resurslarini nazorat qilish koʻzda tutilgan.

Shuningdek, “Reuters” manbalarga tayanib, resurs qazib olishdan tushgan mablagʻlarni boshqarish uchun maxsus jamgʻarma tashkil etilishini xabar qilmoqda. AQSH rejasiga koʻra, u uch amerikalik va ikki ukrainalikdan iborat boʻladi va bu Vashingtonga muhim qarorlarni qabul qilishda ustunlik beradi.