Aholi yashash punktlarining atmosfera havosidagi zararli va zaharli moddalar, produtsent mikroorganizmlar, bakterial preparatlar va aeroionlarning ruxsat etilgan gigiyenik meʼyorlari Adliya vazirligida hisobga olindi (hisob raqami 205, 08.09.2023-y.).

Gigiyenik meʼyorlarga koʻra, aholi yashash punktlarining atmosfera havosidagi ifloslantiruvchi moddalarning ruxsat etilgan meʼyorlari (REM) bir martalik (20-30 daqiqa), oʻrtacha sutkalik, oylik, yillik kabi miqdorlarda belgilanishi qayd etilgan.

Shuningdek, Gigiyenik meʼyorlarda:

— aholi yashash punktlarining atmosfera havosidagi zararli moddalarning nomi va ruxsat etilgan meʼyorlari;

— aholi yashash punktlarining atmosfera havosidagi zararli moddalarning (ogʻir metallar) nomi va oʻrtacha oylik ruxsat etilgan meʼyorlari;

— aholi yashash punktlarining atmosfera havosidagi zararli moddalarning taxminiy xavfsiz taʼsir qilish darajalari;

— aholi yashash punktlarining atmosfera havosidagi zararli (potensializatsiya taʼsiriga ega) moddalar;

— aholi yashash punktlarining atmosfera havosidagi produtsent-mikroorganizmlarning nomi va ruxsat etilgan meʼyorlari;

— aholi yashash punktlarining atmosfera havosidagi bakterial preparatlarning nomi va ruxsat etilgan meʼyorlari;

— aholi yashash punktlarining atmosfera havosidagi zararli (raketa yoqilgʻisi tarkibiy qismlari) moddalarning nomi va ruxsat etilgan meʼyorlari;

— aholi yashash punktlarining atmosfera havosidagi zaharli (fosfororganik) moddalar nomi va ruxsat etilgan meʼyorlari;

— aholi yashash punktlarining atmosfera havosidagi zaharli (fosfororganik) moddalar nomi va taxminiy xavfsiz taʼsir qilish darajalari;

— aholi yashash punktlarining atmosfera havosidagi zaharli (teri-yalligʻlanish taʼsiriga ega) moddalarning nomi va taxminiy xavfsiz taʼsir qilish darajalari (TXTQD) belgilanmoqda.