“Advokatga advokat kerak”: Toshkentda huquq posboni pora bilan qoʻlga tushdi
Toshkent viloyatida advokatlik byurosi advokati 20 ming dollar pora bilan qoʻlga tushdi. Bu haqda Davlat xavfsizligi xizmati xabar qildi.
Qayd etilishicha, ushbu shaxs jazoni ijro etish muassasasida jazo muddatini oʻtayotgan fuqaroni mansabdor tanishlari orqali ozodlikka chiqartirib berishini aytib, evaziga mahkumning turmush oʻrtogʻidan 30 ming AQSH dollari talab qiladi.
DXX va Bosh prokuratura huzuridagi IJQK Departamenti Toshkent shahar boshqarmasi hamkorligida oʻtkazilgan tezkor tadbirda advokat oldindan 20 ming AQSH dollarini olgan vaqtida ashyoviy dalillar bilan ushlandi.
“Ushbu advokat muqaddam giyohvandlik vositalari savdosi bilan bogʻliq jinoyati uchun sudlangan boʻlib, bundan toʻgʻri xulosa chiqarmagan”, deyiladi xabarda.
Unga nisbatan Jinoyat Kodeksining 168-moddasi
4-qismi “a” bandi va 28,211-moddasi 3-qismi “a” bandi bilan jinoyat ishi qoʻzgʻatilib, qamoqqa olish tarzidagi ehtiyot chorasi qoʻllanildi. Tergov harakatlari olib borilmoqda.
Tavsiya etamiz
Ko‘p o‘qilganlar
- Oʻzbekistonda dollar kursi pastladi
- “Bunyodkor” murabbiyi Sergey Arslanov vafot etdi
- Qondagi glyukozani pasaytirish uchun kechki ovqatlanishning ideal vaqti maʼlum boʻldi
- Sardobaning siri nimada?
- Kamchatka sohillaridagi kuchli zilziladan soʻng Oʻzbekiston Konsulligi vatandoshlarimizga murojaat qildi
- Buxorolik doktorant nimaning evaziga Prezident sovgʻasi – avtomobilga ega boʻldi?
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring