Adliya vaziri kitob va gazetalarni ham isteʼmol savatchasiga kiritishni taklif qildi

18:20 12 Mart 2021 Madaniyat
1265 0

Oliy Majlis Senatining oʻn uchinchi yalpi majlisida adliya vaziri Ruslanbek Davletovning 2020-yilda huquqiy targʻibot va maʼrifatning holati haqidagi axboroti eshitildi.

«2016-2019-yillar oraligʻida kitob va broshyuralar birligi 600taga, ularning tiraji 7 mln nusxaga kamaygan. Gazeta va jurnallarning yillik tiraji shu muddatda qariyb ikki baravarga qisqargan. Juda achinarli holat.

2019-2021-yillar oraligʻida birorta yangi nodavlat nashriyotlar ochilmagan, 5ta davlat nashriyoti faoliyati tugatilgan, 14tasiniki tugatilishi rejalashtirilmoqda», dedi Ruslanbek Davletov.

Shuningdek, vazir bosma va elektron gazeta-jurnallar ham zarur ehtiyoj mollari qatori isteʼmol savatchasi tarkibiga kiritish masalasini koʻrib chiqish lozimligini taʼkidladi.

 

Shahnoza TOʻRAMURODOVA,

“Xalq soʻzi”

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?