Andijonda hokim oʻrinbosari 15 000 AQSH dollari olgan vaqtida ushlandi
Andijon viloyati Marhamat tumani hokimi oʻrinbosari tezkor tadbir davomida pora olayotganda qoʻlga olindi. Bu haqda Davlat xavfsizlik xizmati maʼlum qildi.
Maʼlumotlarga koʻra, hokim oʻrinbosari tuman hududidan oʻtgan yoʻl boʻyidagi 400 metrlik zovurni yopiq tizimga oʻtkazish orqali hosil boʻladigan 60 sotix yer maydonida 8 ta savdo doʻkoni qurish uchun yer ajratib berishni va tegishli hujjatlarni yuqori lavozimdagi tanishlari orqali rasmiylashtirib berishni vaʼda qilgan. Bu xizmatlari uchun u fuqarodan 15 ming dollar pora talab qilgan.
Manbalarga koʻra, u kelishilgan pulning 200 dollarini oldindan olgan, qolgan 14 800 dollarni olayotgan vaqtda esa DXX va Bosh prokuratura huzuridagi Departament xodimlari tomonidan ashyoviy dalillar bilan qoʻlga olingan.
Holat yuzasidan hokim oʻrinbosariga nisbatan Jinoyat kodeksining 168-moddasi (firibgarlik) va 211-moddasi (pora olish) boʻyicha jinoyat ishi qoʻzgʻatildi. Sud tomonidan unga qamoq ehtiyot chorasi qoʻllandi.
Hozirda tergov harakatlari olib borilmoqda.
Tavsiya etamiz
Ko‘p o‘qilganlar
- Prezident Oʻzbekiston oʻqituvchi va murabbiylariga tabrik yoʻlladi
- Oʻzbekiston va Turkmaniston: barqaror rivojlanish yoʻlidan borayotgan davlatlar
- Toshkentda “Oʻzbekkosmos” va “NASA” agentliklari hamkorligida “NASA Space Apps Challenge 2025” Hakaton tadbiri oʻtkazilmoqda
- Saudiya Arabistonida “Oʻzbekiston madaniyati kunlari” davom etmoqda
- Tuman va shahar hokimi oʻrinbosarlari soni qisqartiriladi
- Super oy: Bugun Yerning tabiiy yoʻldoshi odatdagidan ancha katta koʻrinmoqda
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring