Жанубий Корея президентини ҳибсга олиш учун ордер берилди
Сеул округ суди мамлакатда ҳарбий ҳолат эълон қилишга уринган, бунинг учун импичментга учраган ва исёнкорликда айбланиб ҳокимиятдан четлаштирилган президент Юн Сок Ёлни ҳибсга олишга ордер берди.
Давлат раҳбари 18, 25 ва 29 декабрь кунлари сўроққа келиш талабларини эътиборсиз қолдирди. Шунингдек, у почта орқали расмий хабарномаларни қабул қилишдан бош тортган, келмагани сабабини тушунтирмаган ва фақат ҳибсга олиш учун ордер чиқарилгандан кейин адвокатга мурожаат қилган.
Президентнинг адвокати аллақачон норозилик билдирди ва ордерни «ноқонуний» деб атади.
Одатда, ҳибсга олиш ордери чиқарилган кундан бошлаб бир ҳафта давомида амал қилади. Юн Сок Ёлга нисбатан ҳам қидирув эълон қилинди.
Юн Сок Ёл амалдаги давлат раҳбари сифатида, гарчи у вақтинча четлатилган бўлса ҳам, Президент хавфсизлик хизмати ҳимоясидадир. Шу сабаб хавфсизлик ходимлари президентни ҳибсга олишга қаршилик кўрсатиши мумкинлиги истисно этилмаяпти.
Тавсия этамиз
Кўп ўқилганлар
- Алишер Навоий – илм ва маъно эҳтиёжи манбаи
- Инвесторлар учун энг жозибадор ҳудуд ёхуд инвeстиция оқимидаги кескин тафовутнинг сабаб ва оқибатлари
- Илм-фан соҳасида хотин-қизларга яратилган имкониятларга бағишланган анжуман
- Бедилни халққа танитган хаттот
- Ўзбекистонда инсон аъзоларини 3D биопринтерда чоп этиш имконияти яратилмоқда
- Ўзликни англаш сари муҳим қадам: «Миллий қадриятлар атласи» китоб-альбоми тақдимот қилинди (+видео)
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг