«YouTube»да «Play Something» функцияси пайдо бўлади
YouTube фойдаланувчиларга қизиқишларига мос ҳолда тасодифий видеоларни таклиф этувчи янги функцияни синовдан ўтказа бошлади. Бу ҳақда «9to5google» нашри маълум қилди.
Янги функция «Play Something» деб номланиб, сузувчи ҳаракат тугмаси кўринишида ишлайди. Тугма қора фон устида оқ матнда ёзилган «Play Something» ёзуви ва ижро белгисидан иборат бўлиб, интерфейсда сезиларли даражада ажралиб туради.
Мазкур тугмани босиш орқали фойдаланувчи «Shorts»да видеони томоша қилишни бошлайди.
Қизиқарли томони шундаки, бу функция нафақат «Shorts» видеолари, балки оддий контентни ҳам портрет режимида намойиш этади.
Интерфейснинг ўнг томонида ёқтириш, ёқтирмаслик, изоҳ қолдириш ва улашиш учун катта тугмалар, пастки қисмида эса вақт шкаласи жойлашган.
Дастлабки маълумотларга кўра, айрим «Android» фойдаланувчилари ушбу функциядан аллақачон фойдаланишни бошлашган. Янги функция фойдаланувчиларга кўпроқ қизиқарли видеоларни топишда ёрдам бериши кутилмоқда.
Тавсия этамиз
Кўп ўқилганлар
- Иш ҳақи, пенсия, нафақа ва стипендиялар миқдори 10 фоизга оширилади
- Эрон ва Исроил ўртасидаги зиддиятлар хронологияси ёхуд бугунги «уруш»нинг илдизи қаерда?
- Олимлар Альцгеймер касаллигидан ҳимоя қилувчи парҳез ҳақида маълумот беришди
- Доллар курси ошишда давом этмоқда
- Паркентда йилига 20 минг сайёҳни қабул қиладиган туристик мажмуа очилмоқда
- Ўзгаришларни сўз билан уйғотган журналист
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг