UFCдаги ўзбекистонлик жангчилар сони бир нафарга кўпайди
Енгил вазн тоифасидаги ўзбекистонлик аралаш яккакураш устаси Машрабжон Рўзибоев Ultimate Fighting Championship (UFC) жангчисига айланди.
Машрабжон Рўзибоев ўзбекистонлик UFC жангчиси Нурсултон Рўзибоевнинг укаси ҳисобланиб, турнирнинг енгил вазн тоифасида жанг қилади.
Таъкидлаш жоизки, Машрабжон Рўзибоев UFCнинг навбатдаги турнири бошланишига 4 кун вақт қолганида жанг қабул қилди.
Унинг 16 февраль куни «UFC Vegas 102» мусобақаси доирасида бўлиб ўтадиган дебют жангида америкалик Жаред Гордон рақиблик қилади.
Америкалик жангчининг ушбу турнирдаги рақиби Кауе Фернандес бўлиши керак эди. Аммо Фернандес жарохат олганлиги туфайли мусобақани тарк этган. Унинг ўрнига ҳамюртимиз Машрабжон Рўзибоевга жанг қилиш таклифи берилган.
Маълумот учун, 28 ёшли ММА устаси Машрабжон Рўзибоев профессионал фаолияти давомида 24 та жанг ўтказиб, 20 ғалаба ва 4 мағлубият қайд этган.
Эслатиб ўтамиз, Машрабжон қўшилгунга қадар UFCдаги ўзбекистонликлар сони 3 нафар эди. Булар Нурсултон Рўзибоев, Богдан Гусков ҳамда Рамазон Темиров.
Тавсия этамиз
Кўп ўқилганлар
- Алишер Навоий – илм ва маъно эҳтиёжи манбаи
- Инвесторлар учун энг жозибадор ҳудуд ёхуд инвeстиция оқимидаги кескин тафовутнинг сабаб ва оқибатлари
- Илм-фан соҳасида хотин-қизларга яратилган имкониятларга бағишланган анжуман
- Ўзбекистонда инсон аъзоларини 3D биопринтерда чоп этиш имконияти яратилмоқда
- Бедилни халққа танитган хаттот
- Миллий нақшларда ўзлигимиз намоён
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг