Туркманистон Миллий хавфсизлик раҳбари ҳам ўзгарди
Туркманистон Президенти Сердар Бердимухамедов Миллий хавфсизлик вазири генерал-майор Назар Атагараевни бошқа ишга ўтиши муносабати билан лавозимидан озод қилди. Бу қарор Давлат хавфсизлик кенгаши йиғилишида қабул қилингани ҳақида TDH ахборот агентлиги хабар берди.
Миллий хавфсизлик вазирлигининг янги раҳбари этиб генерал-майор Довлетгелди Мередов тайинланган. Маълум қилинишича, у халқ, ватани ва президентига садоқат билан хизмат қилишга қасамёд келтирган.
Бердимухамедов янги тайинланган вазирга ишида муваффақият тилаб, вазирлик фаолиятини замон талаблари асосида такомиллаштириш юзасидан қатор топшириқлар берган.
Собиқ вазир Назар Атагараевнинг янги лавозими ҳақида маълумот берилмаган.
Эслатиб ўтамиз, жорий йилнинг 10 февраль куни Қирғизистон президенти Садир Жапаровнинг фармони билан Миллий хавфсизлик давлат қўмитаси раиси Қамчибек Ташиевнинг ваколатлари муддатидан олдин тугатилганди.
Тавсия этамиз
Кўп ўқилганлар
- Нодавлат суд-эксперти сифатида фаолият юритиш янада соддалаштирилади
- «E-ekspertiza» платформаси орқали электрон ҳужжатлар алмашинувини йўлга қўйиш тартиби тасдиқланди
- «Истанбул Башакшеҳир» меҳмондан ғалаба билан қайтди
- Украинанинг уч вилоятида портлашлар қайд этилди. Қурбонлар бор
- Бу йил Ўзбекистон Пролигасида 14 та жамоа иштирок этади
- Шавкат Мирзиёев Вашингтон шаҳрида Тинчлик кенгашининг дастлабки йиғилишида иштирок этди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг