Бугун, 21 январь куни Туркия шимоли-ғарбидаги тоғ-чанғи курортидаги меҳмонхонада йирик ёнғин содир бўлди. Бу ҳақда «NBC News» нашри хабар берган.

Сўнги маълумотларга кўра, ёнғин оқибатида камида 10 киши ҳалок бўлган ҳамда 32 киши турли жароҳатлар билан касалхонага ётқизилган.

Туркия ички ишлар вазири Али Ерликаянинг маълум қилишича, ёнғин тунги вақтда меҳмонхона ресторанидаги хавфсизлик қоидалари бузилиши оқибатида келиб чиққан бўлиши мумкин.

Дастлаб, ёнаётган бино ичидан сакраб чиққан икки нафар фуқаро олган жароҳатлари туфайли вафот этган, деб хабар берган эди губернатор Абдулазиз Ойдин ОАВга берган интервьюсида.

Одамлар ёнғиндан омон қолиш учун чойшабларга ўранган ҳолда ҳудудни тарк этишга урингани айтилади. «Ойдин» идорасининг билдиришича, воқеа жойига зудлик билан 30 та ўт ўчириш ҳамда 28 та тез ёрдам машинаси юборилган. Ёнғин сабаблари ҳозирча расман маълум қилинмаган.

Хабарларга кўра, ёнғин вақтида меҳмонхонада 234 нафар одам бўлган. Ёнғин талафотларини камайтириш мақсадида ён атрофда жойлашган меҳмонхоналардаги одамлар ҳам хавфсиз ҳудудга эвакуация қилингани айтилмоқда.