Иллюстратив фото

АҚШнинг собиқ президенти, бўлажак сайловларда Республикачилар партиясидан номзод Дональд Трамп «Truth» ижтимоий тармоғида Украина президенти Владимир Зеленский билан телефон суҳбати ҳақида маълум қилди.

«Зеленский билан телефон орқали суҳбатимиз жуда яхши бўлди. У мени Республикачиларнинг миллий қурултойи жуда муваффақиятли ўтгани ва Республикачилар партиясидан АҚШ президентлигига номзод бўлганим билан табриклади», — дейилади постда.

Трампнинг сўзларига кўра, агар у сайловда ғалаба қозонса, «тинчликка эришади ва урушга барҳам беради».

Ўз навбатида, Зеленский «Х» ижтимоий тармоғида Трамп билан тинчлик келишувининг аниқ қадамларини муҳокама қилиш учун бўлажак шахсий учрашувга келишиб олганини ёзди.

Куни кеча Республикачилар партиясининг қурултойида нутқ сўзлаган Трамп Оқ уйга қайтиб келгач, унинг сўзларига кўра, Жо Байденнинг ҳозирги маъмурияти томонидан яратилган дунёдаги барча халқаро шу жумладан, Украинадаги ҳам можарога чек қўйишига ваъда берди.

Шу йилнинг 27 июнь куни Трамп Жо Байден билан бўлиб ўтган сайловолди теледебатида собиқ президент бу можарога унинг эҳтимолий қайта сайланиши ва президентлик қасамёдини қабул қилишидан олдин ҳам ечим топишини таъкидлаганди. Шу билан бирга, у агар Москва АҚШ президентини ҳурмат қилганида Украина инқирози ҳеч қачон рўй бермаслигини қайд этганди.