Трамп: АҚШ Баграм авиабазаси бўйича Афғонистон билан музокара олиб бормоқда
Фото: AFP
АҚШ президенти Дональд Трамп мамлакат Баграм авиабазасини тиклаш масаласида Афғонистон билан музокаралар ўтказаётганини маълум қилди. Бу ҳақда РБК хабар берди.
«Кўрамиз, Баграм билан қандай бўлади. Биз Афғонистон билан музокара олиб бормоқдамиз. Ундан ҳеч қачон воз кечмаслик керак эди», — деди Трамп.
Республикачининг фикрича, Вашингтоннинг базадан воз кечишига асос йўқ эди.
WSJ манбасига кўра, Трамп маъмурияти толибонлар билан АҚШнинг Баграм авиабазасида кичик ҳарбий контингентини тиклаш бўйича мулоқот олиб бормоқда. Музокаралар доирасида эҳтимолий асирлар алмашинуви, иқтисодий келишув ва хавфсизлик масалалари ҳам муҳокама қилинмоқда.
Маълумот учун, 2001–2021 йилларда Баграм аэродроми АҚШ бошчилигидаги халқаро коалициянинг энг йирик ҳарбий базаси бўлган. 2021 йил июль ойи бошида америкаликлар базани тарк этган, 15 август куни эса у толибонлар қўлига ўтган.
АҚШ раҳбари кеча базани қайтариш нияти борлигини ҳам эълон қилган эди.
Афғонистон ТИВ эса Трампнинг баёнотига жавобан мамлакатда АҚШнинг ҳарбий ҳаракати эҳтимолини истисно этди.
Тавсия этамиз
Кўп ўқилганлар
- Супер ой: Бугун Ернинг табиий йўлдоши одатдагидан анча катта кўринмоқда
- Аҳоли ва қишлоқ хўжалигини рўйхатга олишга тайёргарлик кўриш ва уни ўтказиш тартиби белгиланди
- Самарқандда ЮНЕСКОнинг 43-сессиясига тайёргарлик авжида
- Марказий Осиё педагоглари Нукусда жам бўлди
- Ҳудудларда 34 та юқори технологияли саноат лойиҳалари амалга оширилади
- Эндиликда муддати ўтган товарларнинг сотилиши автоматик равишда чекланади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг