Тошкентда тадбиркор аёллар ҳафталиги ўтказилади

11:40 26 Октябр 2021 Иқтисодиёт
814 0

Архив сурат

Жорий йил 15 — 19 ноябрь кунлари пойтахтимизда «Аёлларнинг иқтисодий ҳуқуқ ва имкониятларини кенгайтиришга муваффақиятли ёндашувлар: Ўзбекистон ва жаҳон ҳамжамияти тажрибаси» мавзусида тадбиркор аёллар ҳафталиги ўтказилади.

“Тадбиркор аёл” Ўзбекистон ишбилармон аёллар ассоциацияси томонидан ўтказиладиган ушбу ҳафталикда хотин-қизларнинг ҳуқуқий-иқтисодий имкониятларини кенгайтиришда ишбилармон доиралар ва бизнес ҳамжамиятнинг ўрни, гендер тенглиги, кичик ва ўрта бизнеснинг иқтисодиётдаги ўрни ва тадбиркор аёлларнинг илғор тажрибаларини оммалаштириш масалалари муҳокама этилиши режалаштирилган.

Тадбирда юртимизнинг ишбилармон аёллари билан бир қаторда давлат ва нодавлат ташкилотлари, хорижий ташкилотларнинг мамлакатимиздаги ваколатхоналари раҳбарлари, бир неча мамлакат элчилари, хорижий бизнес экспертлар, Украина, Исроил давлатлари тадбиркорлик уюшмалари, илмий тадқиқот ва халқаро молия институтлари, суғурта муассасалари иштирок этиши кутилмоқда.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?