Тошкентда ЙПХ инспекторини машина уриб кетди
Тошкент шаҳрида чорраҳада хизмат олиб бораётган йўл-патруль хизмати ходимини «Tracker» уриб кетди. Бу ҳақда пойтахт Ички ишлар бош бошқармаси хабар берди.
Маълум қилинишича, ҳодиса жорий йилнинг 23 апрель куни Дўрмон йўли Мирзо Улуғбек кўчалари кесишмасида содир бўлган. Мазкур чорраҳадаги тирбандликни бартараф этиш чораларини кўриб, хизмат олиб бораётган Тошкент шаҳар ИИББ ЙҲХБ йўл-патруль хизмати инспектори сержант Т.А.ни «Tracker» русумли транспорт воситаси уриб юборган.
Йўл-транспорт ҳодисаси оқибатида инспектор ўнг ва чап қўл кўплаб шилинмалари, чап чаноқ суягининг бир неча жойдан синиши, чап тизза соҳаси ва оёқ юмшоқ тўқималари лат ейиши ташхиси билан шифохонага ётқизилган.
Қайд этилишича, ҳозирда мазкур ҳолат юзасидан терговга қадар текширув ҳаракатлари олиб борилмоқда. Якунда қонуний қарор қабул қилинади.
Тавсия этамиз
Кўп ўқилганлар
- Жаҳон олимлари нигоҳи яна Ўзбекистонга қаратилди
- Президент Ўзбекистон ўқитувчи ва мураббийларига табрик йўллади
- Ўзбекистонда долларнинг расмий курси ўзгарди
- Президент Исмоил Жўрабеков вафоти муносабати билан ҳамдардлик билдирди
- Ўзбекистон ва Туркманистон: барқарор ривожланиш йўлидан бораётган давлатлар
- Тадбиркорлар янгича ёндашувлар асосида қўллаб-қувватланади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг